

D1666

སློབ་དཔོན་ཀུ་ཀུ་རཱ་ཛས་མཛད་པ་རྫོགས་སོ། །རྒྱ་གར་གྱི་མཁན་པོ་བིདྱཱ་ཀར་སིདྷ་དང་། ཞུ་ཆེན་གྱི་ལོ་ཙཱ་བ་བནྡེ་ལྷ་རིན་པོ་ཆེས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །[]@##། །རྒྱ་གར་སྐད་དུ། ཤྲཱི་བཻ་རོ་ཙ་ན་གུ་ཧྱཱ་རྠ་དྷ་རོ་བྱཱུ་ཧ་ནཱ་མ། བོད་སྐད་དུ། དཔལ་རྣམ་པར་སྣང་མཛད་ཀྱི་གསང་བའི་དོན་རྣམ་པར་དགོད་པ་ཞེས་བྱ་བ། དཔལ་རྡོ་རྗེ་སེམས་དཔའི་ལ་ཕྱག་འཚལ་ལོ། །དངོས་བདག་གསལ་བ་གཉིས་མེད་མཆོག་།ལོངས་སྤྱོད་རྣམ་སྤྲུལ་བདེ་ཆེན་སྐུ། །རིགས་ཀྱི་འཁོར་ལོ་རབ་མཛེས་པའི། ། དཀྱིལ་འཁོར་ཀུན་འབྱུང་གནས་ཕྱག་འཚལ། །ཞི་འགོག་མྱ་ངན་འདས་སོགས་འཇོམས། །རྒྱུ་འབྲས་ལམ་ཞེན་དབུགས་སྦྱིན་མཛད། །དཔལ་ལྡན་རྣམ་སྣང་གསང་བའི་དོན། །རྣམ་དགོད་སྒྲུབ་ཐབས་མཆོག་བཤད་བྱ། །རང་བཞིན་ངང་ཚུལ་བཟང་ལས་བྱུང་། །གཉིས མེད་ཡོན་ཏན་སྐྱེ་བ་ཐོབ།།སྐྱབས་འགྲོ་བྱང་སེམས་སྡོམ་པ་ཅན། །དབང་ཐོབ་དམ་ཚིག་འཇིགས་མེད་པ། །ཐེག་ཆེན་གསང་སྔགས་བློ་གྲོས་མཆོག་།རྣམ་སྣང་དཀྱིལ་འཁོར་ལ་དགའ་བས། །ཕྱི་ནང་གཡེང་བ་རབ་བསལ་ཏེ། །རང་གི་འདོད་དོན་འབྲས་བུ་གཉེར། །རྟེན་ གནས་དགོན་པ་གཙུག་ལག་ཁང་།།རི་ཡི་རྩེ་རྣམས་ཐམས་ཅད་དུ། །རྣམ་པ་དུ་མ་སྣ་ཚོགས་པའི། །སངས་རྒྱས་དགོངས་པ་བསྒྲུབ་པར་བྱ། །འགྲོ་ལ་སྙིང་རྗེ་ཆེན་པོ་ཡིས། །བདག་གཞན་སྒྲོལ་བར་དམ་བཅས་ནས། །སྦྱོར་ལྡན་ནུས་མཐུ་གསུམ་བསྐྱེད་པས། ། བདག་དང་འགྲོ་བ་སྦྱང་བ་དང་། །དབང་པོའི་དཀྱིལ་འཁོར་མདུན་དམིགས་ཏེ། །དང་པོ་བྱ་བའི་རིམ་རྫོགས་སྤྱད། །སྒྲིབ་ཚོགས་ལས་སྒྲོལ་དག་བྱེད་པའི། །སེམས་ཅན་ཚད་མེད་བློ་ཡིས་གཟུང་། །བར་ཆད་བགེགས་བསལ་སྲུང་བྱེད་པའི། །འཁོར་ལོ མེ་འོད་ར་བ་གུར།།ཕྱོགས་བཅུར་ཁྲོ་བོའི་ཚོགས་བསྐྱེད་པའི། །ཆོ་གས་རང་གི་ལས་བཞིན་བསྒོམ། །ཐམས་ཅད་[(]སྤོས་[,]སྤྲོས་[)]བྲལ་དེ་བཞིན་ཉིད། །གཉིས་མེད་བྱང་ཆུབ་སེམས་དབྱིངས་ལས། །འགྲོ་ལ་ཁྱབ་པའི་ཐུགས་རྗེའི་རྒྱུན། །སྟོང་གསལ་ནམ་མཁའི་ ཤུགས་ལྟར་བྱུང་།།རྡོ་རྗེ་སེམས་དཔའ་སྐལ་བཟང་དཔལ། །རྣམ་འཕྲུལ་ཏིང་འཛིན་གནས་ལ་ཞུགས། །ེ་ཡཾ་རཾ་བཾ་ལཾ་སུཾ་རཾ། །ོཾ་ན་མཿསརྦ་ཏ་ཐཱ་ག་ཏ་ཨ་ནུ་རཱ་ག་ཡ་མི་མཎྜ་ལ་ཧཱུཾ་བྷཱུཾ། ཆོས་འབྱུང་ནམ་མཁའི་རང་བཞིན་ལས། །འབྱུང་བའི་དཀྱིལ་འཁོར་རིམ་ བཞིན་བརྩེགས།།རི་རབ་མེ་འོད་རྒྱན་གསལ་ཞིང་། །ཁ་དོག་དབྱིབས་རྒྱན་མཚན་མར་བཅས། །བདེ་གཤེགས་ཡོན་ཏན་སྣང་བའི་གནས། །སྣ་ཚོགས་པདྨ་རིན་པོ་ཆེ། །འཁོར་ལོ་སྣ་ཚོགས་རྡོ་རྗེ་དབུས། །ཁང་པ་གྲུ་བཞི་སྒོ་ཁྱུད་དང་། །རྟ་བབས་བཞི་ཡིས་མཛེས་ བྱས་པ།།ས་གཞི་ནམ་མཁའ་ལོགས་ཀྱི་ཕྱོགས། །རིགས་ཀྱི་རིན་ཆེན་འཚེར་བ་ལ། །རང་འབྱུང་ཉི་ཤུ་རྩ་ལྔའི་འོད། །སྣ་ལྔའི་རྩིག་པ་དྲ་བ་དང་། །དྲ་ཕྱེད་རིན་ཆེན་ཕ་གུས་མཚན། །འཁོར་ལོས་མཚན་པའི་ཀ་བ་བརྒྱད། །རིན་ཆེན་མུ་ཏིག་མེ་ཏོག་ཕྲེང་། །རྒྱལ་ མཚན་བླ་རེ་རྔ་ཡབ་གདུགས།།འདོད་ཡོན་ལྔ་ཡི་ལྷ་མོ་མཆོག་།ཟླ་ཕྱེད་རྡོ་རྗེ་རིན་ཆེན་དང་། །བ་དན་དྲིལ་བུའི་སྒྲ་སྙན་སྒྲོགས། །ཕོ་བྲང་འཁོར་ལོ་རྩེ་བརྒྱད་ལ། །པད་མཚན་མུ་ཁྱུད་འཁོར་ལོའི་ཕྲེང་། །མཚམས་སུ་བུམ་པ་གང་བ་བཞི། །རིགས་ཀྱི་མཚན་མས་རྣམ་ པར་མཛེས།།བར་སྐབས་རེའུ་ཆ་བརྒྱད་ལ། །མཚམས་ཕྱེད་འཁོར་ལོའི་ཕྲེང་བས་མཛེས། །ཁྱམས་ཀྱི་ཆ་ཡི་མཚམས་བཞི་དང་། །སྒོ་གནས་ལ་སོགས་པདྨའི་གདན། །ཕྱི་རོལ་ར་བ་རིམ་གསུམ་བརྒྱན། །ཕྱོགས་མཚམས་དུར་ཁྲོད་ཆེན་པོ་བརྒྱད། །དེ་མཐའ་ འདོད་པའི་ལོངས་སྤྱོད་དང་།།རྡོ་རྗེ་ར་བས་བསྐོར་བའོ། །ཡོད་པ་མ་ཡིན་མེད་པ་མིན། །དབུ་མར་ཡང་ནི་དམིགས་སུ་མེད། །ཤེས་རབ་ཕ་རོལ་ཕྱིན་སྦྱོར་བ། །སངས་རྒྱས་བྱང་ཆུབ་རབ་སྒྲུབ་པའོ། །རྣམ་ཐར་སྒོ་བཞིར་སྙོམས་འཇུག་གི། །འགོག་གནས་གདུལ་བྱའི་ དོན་བྲལ་ལ།།ཕྱོགས་བཅུའི་རྒྱལ་བས་བསྐུལ་མཛད་དེ། །མངོན་བྱང་ལྔ་ཡིས་རྫོགས་སྐུར་འགྱུར། །སེམས་དང་སེམས་དཔའི་ཏིང་འཛིན་དང་། །བྱང་ཆུབ་སྤྱོད་པ་སྣ་ཚོགས་ཉིད། །དེ་བཞིན་བདུད་དང་བདུད་ལས་རྒྱལ། །དེ་ཡི་བྱང་ཆུབ་སངས་རྒྱས་ཡིན། །ོཾ་ མ་ཧཱ་སུ་ཁ་བཛྲ་སཏྭ་ཨཿཛཿཧཱུཾ་བཾ་ཧོཿསུ་ར་ཏ་སྟྭཾ།རྡོ་རྗེ་སེམས་དཔའ་བདེ་ཆེན་སྐུ། །དཀར་ཞིང་དམར་བའི་མདངས་གསལ་ལོ། །ཞལ་བཞི་རྣམ་གཟིགས་ཕྱག་བཞི་པ། །དང་པོ་རྡོ་རྗེ་རྩེ་ལྔ་འབར། །རྡོ་རྗེ་ཁ་ཊྭཱཾ་དྲིལ་བཅས་འཁྲོལ། །འོག་མ་གཉིས་ ཀྱིས་མདའ་དང་གཞུ།།མཚན་དཔེ་ཕྱག་རྒྱ་ལྔ་ཡིས་མཛེས། །སྟོད་གཡོགས་དར་དཀར་གསེར་རིས་ཅན། །སྐུ་སྨད་ཚི་གུའི་ན་བཟའ་ལ། །རིན་ཆེན་ཕྲེང་བའི་[(]རྐད་[,]རྐེད་[)]ཆིངས་འདྲིལ། །མགུལ་དུ་དོ་ཤལ་དཔུང་རྒྱན་དང་། །ཕྱག་བཞི་གདུ་བུ་སེ་མོ་དོ། །རྡོ་རྗེ་རྩེ་ལྔའི་ཕྱག་རྒྱ་ ནི།།གནས་ལྔ་དག་ཏུ་གཏུགས་བྱ་སྟེ། །སྔགས་ཀྱི་བདེ་གཤེགས་ཐམས་ཅད་ཀྱི། །སྐུ་གསུང་ཐུགས་སོགས་རྣམ་པར་བསམ། །ོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་གུ་ཎ་ཀརྨྨ་བཛྲ་སྭ་བྷཱ་ཝ་ཨཱཏྨ་ཀོུ྅ཧཾ། ལུས་ཀྱི་བ་སྤུའི་གནས་རྣམས་སུ། །དཀྱིལ་འཁོར་དྲུག་ག ཨི་རྡུལ་ཕྲན་གནས།།མཁའ་དབྱིངས་དབང་ཕྱུག་ཕྱག་རྒྱ་ཡིས། །གནས་ཀུན་བྱིན་གྱིས་བརླབ་པར་བྱ། །ོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོུ྅ཧཾ། རྡོ་རྗེ་ཐལ་མོ་མཉམ་སྦྱར་ཏེ། །ལག་གཉིས་ནོར་བུ་རིན་ཆེན་དུང་། །ཇི་ལྟར་རིགས་པ་མཉམ་སྦྱར་ནས། །མཛུབ་མོ་མཐེ་བོང་ར ཙེ་མོ་བཞི།།ཡོངས་སུ་བསྒྱུར་ཏེ་བཏེག་ནས་སུ། །དཔྲལ་བར་ལེགས་པར་གཞག་པར་བྱ། །ཁཾ་ཨ་བྷི་ཥིཉྩཾ་མཾ། རཏྣ་མཱ་ལེ་ཨ་བྷི་ཥིཉྩ་ཏྲཾ། པ་ཏ་ལཾ་ཨ་བྷི་ཥིཉྩ་ཨོཾ། བཛྲ་ཏུཥྱ་ཧོ། །བྱིན་བརླབས་རིགས་ཀྱི་དབུ་རྒྱན་གྱིས། །རྒྱུ་ཡི་མགོན་པོ་རྡོ་རྗེ་འཆང་། །སངས་རྒྱས་ རྣམ་པར་སྣང་མཛད་སྐུ།།ཆ་ལུགས་མཚན་མ་རྒྱན་གསལ་གྱུར། །ཞལ་བཞི་སེར་དཀར་ལྗང་དམར་མདོག་།སྐུ་མདོག་གངས་རི་ཉི་ཤར་བཞིན། །ཕྱག་ན་ཆོས་གོས་ལྷུང་བཟེད་དང་། །འཁར་གསིལ་དམ་ཆོས་གླེགས་བམ་འཛིན། །འཁོར་ལོས་སྒྱུར་རྒྱལ་ཆ་ལུགས་ དང་།།ལོངས་སྤྱོད་ཀུན་གྱིས་ཉེར་མཛེས་པར། །ཐུན་མོང་རྒྱན་སོགས་ཚང་པ་ལས། །ཁྱད་པར་རྟགས་ཀྱིས་རྣམ་སྤྲས་པའོ། །རང་འོད་ངོ་བོ་ལས་བྱུང་བའི། །ཐབས་དང་ཤེས་རབ་གཉིས་མེད་ཡུམ། །སངས་རྒྱས་སྤྱན་མ་དཀར་གསལ་མདངས། །ཞལ་གཅིག་ ཕྱག་གཉིས་སྒྱུ་རྩལ་ཅན།།གཡས་པ་འཁོར་ལོ་ཐོད་པ་གཡོན། །རིན་ཆེན་རྒྱན་སོགས་ཕྲེང་བ་དང་། །ན་བཟའ་དྲིལ་བུ་རྐེད་ཆིངས་ཅན། །ཕྱུང་ནས་བྱིན་གྱིས་བརླབས་མཛད་དེ། །ཐབས་དང་ཤེས་རབ་ལྡན་གྱུར་པ། །གནས་བཞི་ཡི་གེ་མཚན་མ་སྔགས། །དཀྱིལ་ འཁོར་གདན་ལ་ལེགས་གནས་རྣམས།།སྤྲོ་དང་བསྡུ་བའི་སྦྱོར་བ་ཡིས། །ཕྱག་རྒྱ་བཞི་ཡིས་རྣམ་པར་གསལ། །ལྷ་ཡི་བུམ་པས་ཁྲུས་བྱས་ཏེ། །དབང་བསྐུར་རིགས་ཀྱི་བདག་པོར་བསམ། །ཁཾ་ལས་སྐྱེས་པའི་ལིང་ག་ནི། །འཁོར་ལོ་གསང་ལམ་ཕཊ་ཀྱིས་མཚན། ། ཨ་ཡིག་དག་བྱས་བྷ་གའི་དབྱིབས། །པདྨའི་འདབ་བརྒྱད་ཨེ་གནས་པ། །སྣ་ཚོགས་བརྡ་ཡིས་བསྐུལ་བྱས་ནས། །ཐབས་ཤེས་གཉིས་མེད་རོལ་པར་མཛད། །ོཾ་པྲ་བེ་ཤ་ཕཊ། ཨ་ལ་ལ་ལ་ལ་ཧོ། །བྱང་ཆུབ་སེམས་ཀྱི་འོད་ཟེར་གྱིས། །ཕྱོགས་བཅུའི་དཀྱིལ འཁོར་མཉེས་པར་མཛད།།ལྷ་རྣམས་རང་ལ་གཞུག་བྱས་ཏེ། །གཉིས་ཀའི་དགའ་བ་རབ་ཏུ་འཕེལ། །ཁམས་གསུམ་འགྲོ་གནས་དག་པ་དང་། །རྣལ་འབྱོར་མཚན་མ་རྣམ་པར་སྦྱང་། །གསལ་བའི་གནས་སུ་གཞལ་ཡས་ཁང་། །རྒྱན་སོགས་གདན་རྣམས་ སྔོན་བཞིན་དབྱུང་།།ཐིག་ལེ་གནས་སུ་མཚན་བྱས་ན། །སྤྲོས་པ་ཡི་གེའི་དཀྱིལ་འཁོར་གསལ། །ཁཾ་ལས་རྣམ་པར་སྣང་མཛད་དེ། །གསང་གནས་དབུས་ཀྱི་པདྨ་ལའོ། །ཧཾ་ལས་སངས་རྒྱས་ཀུན་བརྗོད་མ། །ཚཾ་ལས་དེ་བཞིན་དཔའ་མོ་སྟེ། །ཏྲཾ་ལས་ཀུན་ཏུ་ བཟང་མོ་ཡིན།།དྷཾ་ལས་མི་ཟད་སྣོད་འཛིན་མའོ། །ཾ་ལས་སངས་རྒྱས་ཀུན་ལྡན་པ། །བྷཱུཾ་ལས་ཞལ་བཟང་གཟུང་མ་སྟེ། །ཧ་ལས་ལྷ་མོ་སྤྲིན་ཆེན་མོ། །ཁཾ་ལས་ནམ་མཁའི་སྤྱན་མའོ། །དེ་དག་ནང་གི་ཕྱོགས་བཞི་དང་། །ཕྱི་ནས་རེའུ་ཆའི་ཕྱོགས་བཞིར་རོ། །ཾ་ ལས་གླིང་བུ་ཏྲཾ་པི་ཝང་།།བཾ་ལས་རྔ་ཆེན་ཛཾ་རྫ་རྔ། །མེ་མཚམས་ལ་སོགས་རེའུ་མིག་ཏུ། །ལྷ་མོ་བཞི་ནི་གནས་པ་ཡིན། ། ཨཱ་མེ་ཏོག་སྤོས་མེ་མ། །ཾ་ཨཿམར་མེ་དྲི་ཆབ་མའོ། །བར་ཁྱམས་མཚམས་ཀྱི་གནས་བཞི་རུ། །ལྷ་མོ་བཞི་ནི་གནས་པ་ཡིན། ། ཛཿལས་རྟ་མགྲིན་འཕང་མཐོ་མ། །ཧཱུཾ་ལས་ཕག་གདོང་མཆེ་བ་ཅན། །བཾ་ལས་ཉི་ཟླ་མེ་འབར་མ། །ཧོཿལས་ཐལ་བྱེད་སྒོ་བཞིར་གནས། །ོཾ་བྷུ་ཁཾ་ཛཿ། རང་གི་གནས་ནས་སྤྲོ་བྱ་སྟེ། །སླར་འདུས་རང་གི་ལུས་ལ་གཞུག་།ོཾ་ས་ཏཀྵ། སངས་རྒྱས ཀུན་བརྗོད་ཆུ་ཤེལ་མཚུངས།།རྒྱན་མཛེས་ལྕེ་ཡི་ཕྱག་རྒྱ་འཛིན། །ོཾ་བཛྲ་རཏྣ་རཾ། དཔའ་བོ་ཤིན་ཏུ་རྒྱལ་མོ་མཆོག་།གསར་མདོག་ཕྱག་གཉིས་ཐལ་མོ་འཛིན། །ོཾ་བཛྲ་དྷརྨ་པ། ཀུན་བཟང་པདྨ་རཱ་གའི་མདོག་།ཕྱག་གཉིས་རྡོ་རྗེ་རྩེ་ལྔ་ཏོག་།ོཾ་བཛྲ་ཀརྨྨ་ཧཾ། མི་ཟད་སྣོད་འཛིན་སྣ་ཚོགས་མདོག་།རྒྱན་དང་སྣོད་ཀྱང་ཆོས་ཀྱི་དུང་། །ོཾ་སཏྭ་བཛྲ། སངས་རྒྱས་ཀུན་བརྒྱན་གུར་ཀུམ་མདོག་།ཐུགས་ཀར་སངས་རྒྱས་མི་བསྐྱོད་སྐུ། །ཚིཾ་བཛྲ་ར་ཏི་ཧོ། །ལྷ་མོ་ཞལ་བཟངས་མེ་ལོང་མདོག་།ཕྱག་གཉིས་མེ་ལོང་རླུང་གཡབ འཛིན།།ཏྲཾ་བཛྲ་པདྨ། སྤྲིན་ཆེན་བཻ་ཌཱུརྱ་མདོག་མཚུངས། །ཕྱག་གཉིས་སྤྲིན་ཆེན་སེར་བ་འབེབས། །དྷ་བི་ཤྭ་བཛྲ། ནམ་མཁའི་སྤྱན་མ་སེར་སྐྱའི་མདངས། །ཕྱག་གཉིས་པད་བཅས་མིག་གི་རྒྱ། །ཧེ་ར་ཏི་ཙཀྲ་པི་ལ་སི་ཏྲ་ཐཱ། གླིང་བུ་སྔོན་མོ་སྣ་ཚོགས་སྒྲ། ། འཁོར་ལོས་མཚན་པའི་གླིང་བུ་[(]སྒོགས[,]སྒྲོགས[)]། །ཧེ་ར་ཏི་ཙཀྲ་ཀེ་ཏེ་ཏེ་ཏེ་ཏེ། པི་ཝང་སེར་མོ་དྲུག་ལྡན་དབྱངས། །འཁོར་ལོས་མཚན་པའི་པི་ཝང་བསྒྲེང་། །ཧེ་ར་ཏི་ཙཀྲ་ཧ་སེ་ཧ་ས་བཾ། རྔ་ཆེན་དམར་མོ་འཁོར་ལོའི་རྔ། །ཕྲིན་ལས་སོ་སོའི་ཚུལ་བཞིན་དུ། །ཧེ་ར་ཏི་ཙཀྲ་ནི་པི་ཏེ པ་པ་བ་ཛཾ།རྫ་རྔ་ལྗང་གུ་རྫ་རྔ་མ། །འཁོར་ལོས་མཚན་པའི་རོལ་སྟབས་ཚུལ། ། བཛྲ་པུཥྤེ། མེ་ཏོག་དམར་སེར་འཁོར་ལོས་མཚན། །རིན་ཆེན་གཞོང་པ་གང་བ་འཛིན། ། བཛྲ་དྷཱུ་པེ། སྤོས་མེ་དཀར་སྔོན་བདུག་པའི་སྣོད། །འཁོར་ལོས་མཚན་པ་གཡས་ སུ་འཇོག་། བཛྲ་ཨཱ་ལོ་ཀེ། མར་མེ་དམར་མོ་འཁོར་ལོས་མཚན། །སྣོད་མང་མར་མེའི་སྡོང་པོ་འཛིན། ། བཛྲ་གནྡྷེ། དྲི་ཆབ་ལྗང་སྐྱ་འཁོར་ལོས་མཚན། །དུང་ཆོས་གཡོན་འཛིན་གཡས་པར་འཐོར། །ོཾ་བཛྲ་ཨཾ་ཀུ་ཤ་ཛཿ་རྟ་གདོང་དཀར་མོ་ལྕགས་ཀྱུ དང་།།ཐོད་པ་རྟ་མགོ་ལྗང་གུ་འཛིན། །ོཾ་བཛྲ་པཱ་ཤེ་ཧཱུཾ། ཕག་གདོང་སྔོན་མོ་གཡས་མཆེ་བ། །གཡོན་པ་རིན་ཆེན་ཞགས་པ་འཛིན། །ོཾ་བཛྲ་ཤྲི་ཁཾ་ལེ་བཾ། སྣང་བ་དམར་མོ་ཕྱག་གཉིས་ཀྱིས། །ལྕགས་སྒྲོག་ཉི་མ་ཟླ་བས་མཚན། །ོཾ་བཛྲ་གཎྜེ་ཧོཿ། ཐལ་བྱེད་ ལྗང་གུ་གཡས་དྲིལ་བུ།།གཡོན་པས་ཐོད་པ་མཐའ་ཡས་སྐུ། །ཀུན་ཀྱང་རྒྱན་ཕྲེང་ན་བཟའ་དང་། །རིགས་ཀྱི་མཚན་མ་འགྱིང་བག་བཞིན། །འཛུམ་བཏག་དགོད་པའི་སོ་ཟུར་སྟོན། །རང་གི་ཆ་ལུགས་གར་གྱི་གནས། །མགོན་པོ་རོ་མཉམ་ལ་ཞུགས་ནས། །ཆོས་དབྱིངས་ ཡེ་ཤེས་སྙོམས་འཇུག་པས།།ལྷ་མོས་བདག་པོ་བསྐུལ་མཛད་དེ། །སེམས་ཅན་ཀུན་དོན་རྣམ་འཕྲུལ་མཛད། །བརྟེན་པའི་དཀྱིལ་འཁོར་ལྷ་རྣམས་ཀྱི། །སྐྱེ་མཆེད་དྲུག་ལ་སངས་རྒྱས་དྲུག་།ཕྱག་རྒྱ་བཞི་ཡི་མཚན་མ་དང་། །རིགས་ཀྱི་བདག་པོས་ཉེ་བར་མཚན། ། ཐུགས་ཀའི་འོད་ཟེར་སྤྲོ་བསྡུ་ཡིས། །ཡེ་ཤེས་དཀྱིལ་འཁོར་བསྐུལ་མཛད་ཅིང་། །ཛཿཧཱུཾ་བཾ་ཧོཿའི་སྦྱོར་ཚོགས་དང་། །རྡོ་རྗེ་བསྡུ་བའི་ཕྱག་རྒྱ་བཅིང་། །སྟོང་པ་ཤིན་ཏུ་ཡོད་མེད་རྣལ་འབྱོར་མཐུ། །ནམ་མཁའ་ཉིད་དུ་དམ་ཚིག་ཉེ་བར་གནས། །བདེ་གཤེགས་བདེ བར་གཤེགས་པ་བཞེངས་སུ་གསོལ།།རྣམ་པར་སྣང་མཛད་སྐལ་བཟང་དཔལ་ཁྱོད་བདག་།ཛཿཧཱུཾ་བཾ་ཧོཿེ་ཧྱེ་ཧི་བྷ་ག་བཱན་མ་ཧཱ་ཀཱ་རུ་ཎི་ཀ་ཌི་ཥྱ་ཧོ། །ས་མ་ཡ་ཧོ། །ས་མ་ཡ་སྟྭཾ། བདེ་གཤེགས་ཕོ་བྲང་དཀྱིལ་འཁོར་འདིར། །འགྲོ་བ་མ་ལུས་བསྒྲལ་བའི་ཕྱིར། །དོན་ གྱི་དབང་གིས་དགོངས་ནས་ཀྱང་།།འཁོར་བཅས་གཤེགས་ཤིང་བཞུགས་སུ་གསོལ། །ཀཱ་ཡ་ཝཱཀ་ཙིཏྟ་ཧཱུཾ། སྒྱུ་འཕྲུལ་དགའ་བའི་རྡོ་རྗེ་རོལ་མོའི་ཚོགས། །གཞན་ལ་སྣང་བའི་དཀྱིལ་འཁོར་རྣམ་པར་མཛེས། ། ལ་ལ་ཧོ། །ཚངས་པའི་ཚོགས་རྣམས་ཟིལ་གྱིས་ ནོན་མཛད་ཅིང་།།རྟོག་པ་དུ་མའི་སྒྲོ་འདོགས་གཅོད་པར་མཛད། ། ལ་ལ་ཧོ། །གཉིས་མེད་ཡེ་ཤེས་གཉིས་ཅན་རྣམ་མཐའ་ཡས། །སྣང་སྟོང་བདེ་ཆེན་མཉམ་ཉིད་དབྱིངས་ལ་རོལ། ། ལ་ལ་ཧོ། །ཀུན་འབྱུང་ཡོན་ཏན་རྩོལ་མེད་ལྷུན་གྲུབ་སྣང་། །རྒྱན་གྱི་ དཀྱིལ་འཁོར་རྣམ་དགོད་རང་ལས་བྱུང་།། ལ་ལ་ཧོ། །མཛད་པ་རྒྱ་ཆེན་འགོག་མེད་ཀུན་གྲུབ་པས། །ཚོགས་བསགས་རོལ་པས་བྱ་བ་ཀུན་རྫོགས་པ། ། ལ་ལ་ཧོ། །སྐུ་གསུང་ཐུགས་ཀྱི་ཡོན་ཏན་ཕྲིན་ལས་རྒྱན། །དཀྱིལ་འཁོར་མཛེས་པའི་ ལྷ་ལ་ཕྱག་འཚལ་ལོ།། ལ་ལ་ཧོ། །རྡོ་རྗེ་དཔལ་གྱི་ཐལ་མོ་སྒྱུར། །བསམ་གཡོས་བཞིན་རྒྱས་གནས་སུ་འདུད། །ོཾ་ཨ་ཏི་པུ་ཧོ། །བནྡ་ནཱཾ་ཀཱ་རོ་ཡ་མི་གུ་རུ་པ་ཏི་ཨ་ལ་ལ་ཧོ། །ོཾ་འབྱུང་བ་ཆེ་ལས་ཐམས་ཅད་འབྱུང་། །སྟོང་གསུམ་རྡུལ་སྙེད་མ་ལུས་པའི། །གཟུགས་སྒྲ་དྲི་རོ་རེག་བྱ་ ཆོས།།ལྷ་མོའི་ཚོགས་རྣམས་མ་ལུས་སྤྲོ། །མེ་ཏོག་བདུག་པ་མར་མེ་དང་། །དྲི་ཚོགས་ཀུན་གྱིས་མཆོད་པར་བྱ། །ོཾ་པ་ནེ་པེཾ་པོ་ནུ་སུ་ར་ཏ་ཏི་པུ་པར་མུ། སརྦ་ཏ་ཐཱ་ག་ཏ་ས་མ་ཡོ་ག་སིདྡྷ་ཨཱཿཧཱུཾ། ཨོཾ་བཛྲ་པུཥྤེ། བཛྲ་དྷཱུ་པེ། བཛྲ་ཨཱ་ལོ་ཀེ། བཛྲ་གནྡྷེ། པྲ་ཏཱིཙྪ་ ཧོ།ཤྲཱི་བྷ་ག་བཱན་ཁ་ཁ་ཁཱ་ཧི། ལག་པ་གཡས་གཡོན་གཉིས་དག་གི། །མཛུབ་མོ་མཐེའུ་ཆུང་མཛེས་པར་བསྒྱུར། །རྡོ་རྗེ་ཐལ་མོ་སྦྱར་ནས་སུ། །དེ་བཞིན་གཡོན་པ་བསྒྱུར་བར་བྱ། །དེ་ནི་སྦྱོར་བ་བཏེག་ནས་ནི། །སྤྱི་བོའི་མཚམས་སུ་གཞག་པར་བྱ། །སྐལ་ བཟང་ཨོཾ་ཞེས་བྱ་བའི་གླུས།།མཆོད་པ་ཐམས་ཅད་དབུལ་བར་བྱ། །ོཾ་གྱི་གླུ་ཡི་ཕྱག་རྒྱ་ནི། །ཚངས་པའི་དབྱངས་ཀྱིས་ཅི་དགར་བླང་། །ཛཿཧཱུཾ་བཾ་ཧོཿ། རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཐར་པ་ཐམས་ཅད་རྣམ་དག་ ཕྱིར།།སངས་རྒྱས་ཕྱག་རྒྱ་དཔལ་དུ་གནས། །དོན་དམ་རྣམ་པར་དག་པའི་ཕྱིར། །བཙོ་མ་གསེར་གྱི་ཁ་དོག་བཞིན། །ཆགས་མེད་ལ་སོགས་ཆགས་ཆེན་ཕྱིར། །དཀར་ཞིང་སྣ་ཚོགས་གསལ་བའི་མདངས། །ཆོས་ཀྱི་རྒྱལ་སྲིད་རབ་བསྒྲུབ་པ། །རིན་ཆེན་ ཆོས་ལས་ལྷག་པ་མེད།།དེ་བས་ཐེག་ཆེན་བྱང་ཆུབ་སེམས། །རྒྱལ་བ་རྡོ་རྗེ་རིན་ཆེན་ཅན། །གཡས་པའི་མཐེ་བོང་གུང་མོ་གཉིས། །གཡོན་པའི་ཁུ་ཚུར་བཅངས་པ་ཡི། །སོར་མོ་ཀུན་ལ་རེག་པ་ནི། །རྩ་བའི་ཕྱག་རྒྱ་ཡིན་པར་གྲགས། །གཡས་པའི་ཡན་ ལག་གནོན་པ་ཡིས།།གཡོན་པའི་ཡན་ལག་ཀུན་ལས་རྒྱལ། །སེམས་དཔའི་སྐྱིལ་མོ་ཀྲུང་བཅས་པ། །བདུད་རྣམས་ཐམས་ཅད་འཇོམས་པར་བྱེད། །ོཾ་བྷུ་ཁཾ་སྭཱཧཱ། རྡོ་རྗེ་ཁུ་ཚུར་བཅངས་ནས་སུ། །གཡོན་པས་དགག་པ་ཀུན་བརྗོད་མ། །ཧེ་རུ་ཀ་ཡི་ཁུ་ཚུར་ ཆེ།།གཡོན་པས་དགབ་པ་དཔའ་མོ་ཡིན། །པདྨོ་རྡོ་རྗེ་ཁུ་ཚུར་ནི། །གཡོན་དགབ་ཀུན་ཏུ་བཟང་མོའོ། །རིན་ཆེན་འཛིན་པའི་ཁུ་ཚུར་ཡང་། །གཡོན་པས་དགབ་པ་མི་ཟད་སྣོད། །སངས་རྒྱས་ཁུ་ཚུར་བཅངས་ནས་སུ། །དགབ་པ་སངས་རྒྱས་ཀུན་ལྡན་དཔལ། ། བུད་མེད་ཕྱག་རྒྱ་བཅིངས་ནས་སུ། །དགག་པ་ཞལ་བཟང་གཟུང་མ་ཡིན། །རྟ་མཆོག་དཔལ་གྱི་ཁུ་ཚུར་ཡང་། །དགབ་པ་སྤྲིན་ཆེན་མེ་ཡི་རྒྱ། །དཔལ་གྲུབ་སྤྱན་གྱི་ཁུ་ཚུར་དག་།དགབ་པ་ནམ་མཁའི་སྤྱན་མའོ། །གླིང་བུ་མ་ཚོགས་ལྷ་མོ་ཡི། །ཕྱག་རྒྱའི་དཀྱིལ འཁོར་སྔ་མ་བཞིན།།རང་བྱུང་ལྷ་མོ་དང་བཅས་པའི། །ཕྱག་རྒྱ་སྔགས་ཀྱིས་གཉིས་མེད་འགྱུར། །འཇིག་རྟེན་ཁམས་མང་རྡུལ་ཕྲན་གྲངས་མེད་ཁྱབ་པར་སྤྲོས་པ་ནི། །རྒྱལ་བའི་དོན་རྣམས་རབ་ཏུ་ཕྲ་བའི་རྡུལ་གྱི་གྲངས་སྙེད་ནི། །སྲིད་པའི་བདེ་ཆེན་དེ་བཞིན་གཤེགས་ ཀུན་རྣམ་འཕྲུལ་ཚོགས་བཅས་ཀྱིས།།རྡུལ་ཕྲེང་གྲངས་སྙེད་དེ་བཞིན་གཤེགས་པའི་རྣམ་པར་འཕྲུལ་པར་མཛོད། །མཆོད་པ་ཆེན་པོ་ཐམས་ཅད་འགྲུབ་པར་མཛོད། །ཧོ་དཔལ་རྣམ་པར་སྣང་མཛད་སྦྱོར་བ་ཨ་ལ་ལ་ལ་ལ་ཧོ། །དེ་རིང་གྲུབ་པར་མཛོད། །སོ་སོའི་ ལྗགས་ཀྱི་པདྨོ་ལ།།ཆོས་ཀྱི་སྙིང་པོས་མཚན་པའི་དཀྱིལ། །ོཾ་རུ་རུ་སྤུ་རུ་ཛྭ་ལ་ཏིཥྠ་སིདྡྷི་ལོ་ཙ་ནེ་སརྦཱརྠ་སཱ་དྷ་ནི་སྭཱ་ཧཱ། རྡོ་རྗེ་ཐལ་མོ་མཉམ་སྦྱར་ནས། །མཛུབ་མོ་གཉིས་ཀྱི་རྩེ་མོ་དགུག་།མཐེ་བོའི་རྩེ་མོ་མཉམ་པར་གཞག་།ཁོང་སྟོང་མི་འགྱུར་དམ་པའོ། ། སྔགས་བཅས་གནས་སུ་གཞག་བྱ་སྟེ། །རིམ་བཞིན་མཐའ་ནས་དགྲོལ་བར་བྱའོ། །ོཾ་ཨཱཿཧཱུཾ། རབ་ཏུ་དགའ་བའི་བདག་ལ་ཕྱག་འཚལ་ལོ། །དེ་བཞིན་གཤེགས་པའི་དམ་པ་གྲུབ་པར་མཛོད། །དམ་ཚིག་དམ་པ་གྲུབ་པར་མཛད་དུ་གསོལ། །མཆོད་པ་ཆེན་པོ་ཐམས་ཅད་དག་པར མཛོད།།མཆོད་པ་ཆེན་པོ་ཐམས་ཅད་གྲུབ་པར་མཛོད། །མཉམ་པ་ཆེན་པོའི་གནས་ལ་རོལ་དུ་གསོལ། །ོཾ་རྡོ་རྗེ་སེམས་དཔའ་བསྡུས་པ་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་བྱེད་པར་འགྱུར། །སངས་རྒྱས་བྱང་ཆུབ་མཉམ་སྦྱོར་བ། །རབ་ཏུ་ དགའ་བས་བལྟ་ཞིང་འཛུམ།།ཤིན་ཏུ་སྲིད་པ་ཡང་དག་སྒྲུབ། །གསལ་བར་ལྟ་ལ་གནས་པར་མཛོད། །སྣ་ཚོགས་བནྡྷ་བརྟག་པ་ལ། །སྣ་ཚོགས་བདུད་རྩིའི་རྣམ་པར་དག་།ལྔ་ལྔ་ལྔ་ཡི་འཕྲོ་འདུ་ཡིས། །མཚན་མ་རྣམ་པ་ལྔ་དང་ལྡན། །འོད་དང་དུ་བ་ དྲི་དང་སྒྲ།།ལྷ་ཡི་གཟུགས་སྟོན་བདུད་རྩི་བསྒྲུབ། །རང་བྱུང་གདོད་ནས་རྣམ་པར་དག་།མཉམ་པའི་དོན་ལས་རོལ་པར་མཛད། །བྱིན་བརླབས་མཚན་དང་རྒྱན་ལྡན་པའི། །མི་མོ་རྣམས་ཀྱི་རེག་བྱའི་མཆོག་།བྱིན་གྱིས་རློབས་ཤིག་རྣལ་འབྱོར་པ། །གསང་བ་ཆེན་པོ་ རྣམ་པར་རོལ།།གྲུབ་པའི་རྫས་འདི་ཐམས་ཅད་ལ། །ཧཱུཾ་དང་ཕཊ་ཀྱིས་ལྡན་པར་མཛོད། །མཉམ་ཉིད་མི་གཡོ་ལ་སོགས་པའི། །བསྟོད་པའི་གླུ་རྣམས་བླངས་བྱས་ནས། །སིལ་སྙན་ཀུན་གྱི་སྒྲ་རྣམས་དང་། །གར་གྱིས་ལྷ་རྣམས་མཉེས་པར་བྱ། །ཾ་ཨཾ་ཨཾ། ཧཾ་ཧཾ་ཧཾ། བཾ་བཾ་བཾ། དཾ་དཾ་དཾ། བདག་ཅག་དམ་ཚིག་འདི་ལ་མངོན་དུ་ཞུགས་པ་རྣམས། །བཅད་གཏུབས་ལུས་ལ་འབྱུང་བར་མི་འགྱུར་ཞིང་། །གྲིབ་མས་ཕོག་པའི་སྡུག་བསྔལ་མི་བཟོད་པ། །སྐུ་ཡི་ཕྱོགས་ཙམ་མཐོང་ན་མོད་ལ་འཚོ་བ་དང་། །གཟི་མདངས་ལུས ལ་འཇུག་པ་བྱེ་བ་སྟོང་ཕྲག་གི།།འོད་ཀྱིས་ཕོག་པས་འཇིག་རྟེན་ཁམས་ཀུན་སྣང་བ་དང་། །ལུས་ངག་སེམས་དང་ཚེ་ནི་རྡོ་རྗེར་རབ་གནས་ཏེ། །རེ་སྨོན་ཐམས་ཅད་དུས་འདིར་འགྲུབ་པར་མཛད་དུ་གསོལ། །དེ་ནས་བཟླས་བརྗོད་རྣམ་གཉིས་སམ། །ཐིག་ལེ་ གཉིས་སམ་ཕྲ་མོ་གཉིས།།རྣམ་དག་མཚན་མ་གསལ་བ་དང་། །མཚན་མ་མེད་པའི་དོན་བསམ་བྱ། །མཉམ་ཉིད་དཀྱིལ་འཁོར་ཀུན་གྱི་མཆོག་།དོན་དམ་བདེ་བ་ཆེན་པོའི་སྐུ། །དེ་བཞིན་ཉིད་དབྱིངས་ཡེ་ཤེས་ཀྱི། །ལྷ་ཉིད་བརྩོན་པས་བསྒོམ་པར་བྱ། །ཐུན་ བཞིའི་སྐབས་སུ་གཏོར་མ་བཏང་།།རྫོགས་ནས་དཀྱིལ་འཁོར་མཆོད་བསྟོད་ཅིང་། །རང་ལས་བྱུང་ཏེ་མདུན་བཞག་ནས། །གསོལ་བཏབ་ལས་ལ་བསྐུལ་བར་བྱ། །ོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་ དུ་གཤེགས་ནས་ཀྱང་།།སླར་ཡང་འགྲོ་བའི་དོན་ལ་དགོངས། །ོཾ་བཛྲ་གཙྪ་མུཿ། དེ་ནས་ཕྱག་རྒྱ་རྣམ་བཀོད་པ། །རིམ་བཞིན་བདག་ལ་བསྡུ་བྱས་ནས། །རྣམ་གསུམ་སེམས་དཔའ་ཧཱུཾ་ལ་ཐིམ། །རིམ་བཞིན་ཐིག་ལེ་མཉམ་པའི་དབྱིངས། །རྫས་འབྱུང་མཚན་ མའི་སྐུར་གནས་ཏེ།།མཚན་དཔེ་རྒྱན་དང་ཆ་ལུགས་གསལ། །ཆོ་ག་གོ་བཅིངས་བསྲུང་བྱ་ཞིང་། །དབང་བསྐུར་དབུ་རྒྱན་ཅོད་པན་ལྡན། །ཀཾ་ཧཾ་ཨོཾ་ཏུཾ་ཨོཾ་རཏྣ་མཱ་ལེ་ཨ་བྷི་ཥིཉྩ་ཏྲཾ། ཨོཾ་པ་ཊ་ལཾ་བ་ཨེ་བྷི་ཥིཉྩ་ལཾ་བ་ཧཱུཾ། སྤྱོད་ལམ་ཀུན་དུ་མ་ཉམས་པར། །ལྷ་ཉིད་དུ་ནི་ བསྒོམ་བྱ་སྟེ།།དབང་པོ་སྣང་བའི་ཡུལ་དུས་རྣམས། །དཀྱིལ་འཁོར་རོལ་པའི་ཚུལ་དུ་བརྟག་།བཟའ་བཏུང་བྱིན་བརླབས་མ་ཉམས་པར། །སྒྱུ་མ་གཉིས་མེད་ཡེ་ཤེས་རོལ། །བྱེད་སྤྱོད་ཚོགས་གཉིས་རྒྱུ་རུ་བརྟག་།ཐམས་ཅད་འགྲོ་བའི་དོན་ཕྱིར་སྤྱད། །དཔལ་ ལྡན་རྣམ་སྣང་དཀྱིལ་འཁོར་གྱི།།གསང་དོན་རྣམ་པར་བཀོད་བྱས་ལས། །བྱུང་བའི་དགེ་བ་དྲི་མེད་དེས། །ཁམས་གསུམ་སྐུ་དྲུག་རྣམ་གསལ་ཤོག་།དཔལ་རྣམ་པར་སྣང་མཛད་ཀྱི་གསང་བའི་དོན་རྣམ་པར་དགོད་པ་ཞེས་བྱ་བ། སློབ་དཔོན་ཀུ་ཀུ་རཱ་ཛས་མཛད་པ་ ་རྫོགས་སོ།